Ninety one тобының әншісі жұбайымен бірге гендер пати жасады (видео)

Ninety one тобының әншісі Батырхан Мәлік пен оның жұбайы Вероника Жангалова ерекше гендер пати жасады, деп жазады KAZ.NUR.KZ.

Осыдан бірнеше күн бұрын Батырхан Мәлік пен Вероника Жангалова көпшілікке қуанышты жаңалығын айтқан еді. Көп ұзамай танымал жұп гендер патидің видеосын жариялап, оқырманын тағы бір қуантты.

Видео кадрларынан болашақ ата-анаға алдымен суреттері бар хатқалта берілгенін байқауға болады. Бірақ оның ішіндегі қыздар мен ұлдардың суреті тең болып шығады. Ал кейіннен ерлі-зайыптыға торт ұсынылады. Батырхан мен Вероника торт арқылы да бала жынысын анықтай алмайды.

Тек видео соңында ұсынылған картина ғана дүниеге ұл келетінін көрсетеді.

Мұны көрген көпшілік сүйікті әншілері мен оның жұбайын шын жүректен құттықтап, оларға бақыт тіледі.