Тойға ақсақал болып киініп барған Төреғали Төреәлі жұрттың көңілін көтерді (видео)

Отандық эстрада жұлдызы Төреғали Төреәлі тойға ақсақал болып киініп барып, көпшіліктің көңілін көтерді. Ол той иелері мен қонақтарының әсерін Instagram желісіндегі парақшасында жариялады.

Видеода Төреғали Төреәлінің шапанмен тойға кіріп келгенін аңғаруға болады.

"Әкел бері микрофонды. Дариға қайда? 60 жасың құтты болсын, айналайын. Бауыржан екеуіңе бір ән айтып берейін. Мен Сафураның сыныптасымын, танып тұрсың ба? Танып тұрсың ба, кіммін? Өлеңді қой , - дейді ол.

Артынша эстрада жұлдызы "Найзағай көңіл" әнін орындай кетеді. Осы сәтте сақалын шешкен Төреғали Төреәлімен көпшілік жарыса суретке түсе бастайды.

"Ата болып тойды жарып қайттым. Көңіл күй сыйладым ба?", - дейді ол жазбада.

Ал әншіге той иесі алғысын жаудырып, ақ тілегін айтты.

"Керемет пранк болды. Әкем расында аң-таң болып қалды. Әжем арғы жақта "қай сыныптасым еді?" деп ойланып отырды. Тойды жардыңыз, әзіліңіз бен әніңізге рақмет. Ата-анам мен қонақтар өте-өте риза", - деді Алтынай Қошан есімді желі қолданушысы.