Танымал актриса Күләш Қажығалиева өмірден өтті

ҚР Еңбек сіңірген артисі, "Ерен еңбегі үшін" және "Еңбек ардагері" медальдерінің иегері, Ғ. Мүсірепов атындағы балалар мен жасөспірімдер театрының артисі Күләш Қажығалиева өмірден өтті. Бұл туралы театрдың Facebоok-тегі парақшасында хабарланды.

"Өнердің аңыз, театрымыздың абыз анасынан айырылу орны толмас үлкен қайғы. Отбасы мен туыстарына қайғыра көңіл айтамыз", - делінген хабарда.

Жаназасы бүгін, 13 қыркүйекте сағат 10:00-де шығарылады.

Театр ақпаратынша, Күләш Қажығалиева 1969 жылдан бастап тынбай еңбек етіп, жемісті жұмыс жасаған актриса. Ол Бердібек Соқпақбаевтың әйгілі "Менің атым Қожа" қойылымында Жанардың рөлінде ойнаған.

Сондай-ақ актриса "Қызыл сұңқарлар" – Маруар, "Қорқыттың көрі" – Қамқа шеше, "Ыстықкөл трагедиясы" – Кемпір, "Ақ кеме" – Кемпір, "Қыз жиырмаға  толғанда" – Ғани,  "Жақсы кісі" –Балзия, "Атау-Кере" – Марфа, "Ауылдан келген ару" – Сәндігүл, "Ең алғашқы Жаңа жыл" – Әже, "Шағала" – Полина Андреевна және т.б. рөлдерді сәтті сомдаған.