Ғаламның ең сұлу аруы атағын кім жеңіп алғаны белгілі болды

"Ғалам аруы – 2024" сұлулық байқауының жеңімпазы анықталды. Бұл жолы көпшілік ару арман еткен тәж даниялық Виктория Кьер Тейлвигке бұйырды, деп хабарлайды байқаудың Instagram-дағы ресми парақшасына сілтеме жасаған KAZ.NUR.KZ.

"Ғалам аруы" сұлулық байқауының 73-финалы 16 қарашада Мексикада өтті. Ақтық сында ғаламның ең сұлу аруы атағы үшін Нигерия мен Дания намысын қорғаған арулар кездесті. Нәтижесінде "Ғалам аруы – 2024" атағына даниялық Виктория Кьер Тейлвиг ие болды.

Сонымен қатар тағы төрт ару вице-мисс титулын иеленді. Олар Чидимма Адетшина (Нигерия), Мария Фернанда Белтран (Мексика), Сучата Чуангсри (Таиланд) және Илеана Маркес (Венесуэла).

Оған қоса CNN ақпаратынша, байқау жеңімпазы Виктории Кьер Тейлвиг 21 жаста екен. Бойжеткен бимен және кәсіпкерлікпен айналысады. Сонымен қатар ол заңгерлік қызметті бастауда.