"Бұл ғажайып жаз болады": әйгілі Дженнифер Лопес Қазақстанға келеді

Жарияланған күні: 8 сәуір 2025, 10:34

Атақты америкалық әнші әрі актриса Дженнифер Лопес тамыз айында Астанада концерт береді. Оның жазда өтетін концерттерінің кестесі жарияланды, деп хабарлайды KAZ.NUR.KZ.

Джей Лоның концерттеріне жауапты кеңсенің Instagram-дағы ресми парақшасында жарияланған мәліметке сүйенсек, әнші жазда Up All Night әлемдік турнесін өткізеді.

Турне аясында Джей Ло 17 қалада концерт береді. Оның ішінде Астана да бар.

Әншінің елордадағы концерті 1 тамызда "Астана Аренада" өтеді деп жоспарланған.

"Барлық шетелдік жанкүйерім үшін осы жазда бірнеше шоу өткіземін. Саханаға оралып, сіздермен жүздесетін сәтті асыға күтудемін. Бұл ғажайып жаз болады", - деп жазды Джей Ло өзінің Instagram-дағы парақшасында.

Мақаланың түпнұсқасы: https://kaz.nur.kz/showbiz/career/2233956-gazhaiyp-zhaz-bolady-aigili-dzhennifer-lopes-qazaqstanga-keledi/