Тағы бір супержұлдыз: танымал әнші Шакира Қазақстанда өнер көрсетуі мүмкін

Дженнифер Лопестің Қазақстандағы концертін ұйымдастырушылар әлемдік эстрада жұлдызы Шакирамен де концерт өткізу туралы келіссөз жүргізіліп жатқанын айтты, деп хабарлайды KAZ.NUR.KZ.

Қазақстандық Камиль Байрамовтың Instagram желісіндегі парақшасында Дженнифер Лопестің Астанадағы концертін ұйымдастырған қазақстандық продюсер Мәлік Хасеновпен сұқбат жарияланды. Әңгімелесу барысында Байрамов желі қолданушыларының өтінішін – тағы бір әлемдік супержұлдыз Шакираның елге концерттік сапары болса деген тілегін жеткізді.

"Мен сіздерге құпияның шетін ашайын. Біз онымен келіссөз жүргізіп жатырмыз, құдай қаласа, күзде аяқтаймыз", - деді Хасенов.

Посмотреть эту публикацию в Instagram

Публикация от Instagram

Айта кетейік, биыл сәуірде Мәдениет министрі Аида Балаева Лара Фабиан мен Шакираның концертіне барғысы келетінін айтқан болатын.

Мәтіннен қате тапсаңыз, бізге жазыңыз