Жүрсін Ерман Қазақстанның Халық жазушысы атанды (фото)
Опубликовано:
Айтыс өнерінің жанашыры, көрнекті қаламгер, ақын және қоғам қайраткері Жүрсін Ерманға президент Қасым-Жомарт Тоқаевтың жарлығымен "Қазақстанның Халық жазушысы" атағы берілді.
Мәдениет және ақпарат министрлігі марапат Жүрсін Ерманға ұлттық әдебиет пен айтыс өнерін дамытуға сіңірген ерен еңбегі үшін табысталғанын мәлімдеді.
Құрметті атақ ақынның 75 жасқа толған мерейтойында салтанатты түрде тапсырылған.
Алматы әкімдігінің мәліметінше, Республика сарайында Жүрсін Ерманның 75 жасқа толған мерейтойына арналған концерттік кеш өткен.
Кеште Алматы қаласының әкімі Дархан Сатыбалды мемлекет басшысының құттықтау хатын оқып, ақынға "Қазақстанның халық жазушысы" құрметті атағын табыстаған.
Айта кетелік, Жүрсін Ерман "Қазақстанның еңбек сіңірген қайраткері", сондай-ақ Қазақстан Жазушылар одағының Мұқағали Мақатаев атындағы сыйлығын екі мәрте иеленген.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/career/2345262-zhursin-erman-qazaqstannyng-halyq-zhazushysy-atandy/