Айым Сейтметованың ұзатуы мен үйлену тойы: Көптен күткен қуаныш қалай өтті
Опубликовано:
Актриса Айым Сейтметованың ұзату тойы Алматы қаласында өтуде. Өнер иесінің естен кетпейтін қуанышында көптеген танымал тұлғалар бой көрсетті деп жазады KAZ.NUR.KZ.
Мерекелік кеш оңтүстік астанадағы қымбат мейрамхананың бірінде болып жатыр.
Желіде тараған видео кадрларынан танымал актер Азат Сейтметов пен актриса Данагүл Темірсұлтанова құдаларын ерекше қошеметпен қарсы алғанын байқауға болады.
Сондай-ақ, күйеу жігіт Талғат пен қалыңдық Айымды бір топ өнерпаздар сахналық қойылым арқылы көпшіліктің алдына шығарды.
Желі оқырмандарының пікіріне сенсек, екі жастың ата-аналары тойды бірігіп жасауда.
Себебі, Азат Сейтметов пен Данагүл Темірсұлтанова және олардың туыстары бірден ақ жол төсеп, Айымды қыздардың сыңсуымен күйеу баласының қолына табыс етті.
Ұзату шарасы мейрамхананың жазғы алаңында өтті.
Ал үйлену той аталған мекеменің ішінде ұйымдастырылған.
Кішкене уақыт өткен соң Талғат пен Айымның үйлену тойы басталды.
Той залына кірген екі жастың қонақтар алдында некелері қиылып, жүзіктері тағылды.
Еске сала кетсек, бұған дейін Айым Сейтметоваға сырға салынып, актриса өзінің қызойнағын ерекше стильде атап өткен еді.
Кейін Айымның анасы Данагүл Темірсұлтанова қызының жасауын көпшілікке көрсетті.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/personal-life/1822954-ajym-sejtmetovany-zatuy-men-jlenu-tojy-kpten-ktken-kuanys-kalaj-tude/