Qanay-дың Меховая 8/1 тобынан кететіні рас па: Әнші жеке продюсермен жұмыс бастаған

Отандық танымал "Қызық Live" бағдарламасына бұл жолы "Меховая 8/1" тобы қонақ болып келді. Хит әндердің орындаушылары шығармашылығы мен жеке өміріндегі жаңалықтарын бөлісті, деп жазады KAZ.NUR.KZ тілшісі.

Белгілі болғандай, Қабдол Тілеков пен Жандос Самалбеков өткен жылы шаңырақ көтерген.

Ал Нұрболат Қанай әлі отбасын құрған жоқ. Ол топтан бөлек, өзінің жеке шығармашылығын барынша дамытып жатыр. Әнші продюсермен жұмыс істеуді бастағанын айтты.

"Тойыма ешкімді шақырған жоқпын. Мен карантин қызып тұрған кезде үйлендім. Тек Әбдіжаппарды шақырдым. Шыны керек, қиын болды. Бұған дейін тек Оралға ғана той жасадым. Енді Алматыдағыларға бөлек той жасасам деп отырмын. Біз Жандос екеуміз үйлендік. Ал Қанай продюсер алды. Жеке өз шығармашылығын шыңдап жатыр. Ұрсысып қалсақ, кетем деп қорқытады", - деді Қабдол Тілеков.

Меховая 8/1 тобы алдағы уақытта да өз тыңдармандарын жаңа туындылармен қуантпақ. Олар өмір жолында "Ниет. Еңбек. Талант" деген ұстаныммен келе жатқандарын айтты.

Мәтіннен қате тапсаңыз, бізге жазыңыз