Әнші Кентал ұлының тұсауын кесіп, дүркіретіп той өткізді (видео)

Көпшілікке Кентал есімімен таныс әнші Талған Кенжеболатов ұлының тұсаукесер тойын өткізді. Әншінің отбасылық қуанышының естелігі желіге тарады, деп жазады KAZ.NUR.KZ.

Кенжеболатовтар отбасының тойына қатысқан Дильназ Ахмадиева видеоны Instagram-дағы парақшасында бөлісті.

Ал сәбидің тұсауын ресейлік орындаушы Анатолий Цой кескен.

Видеодан бүлдіршіннің ақ жолмен жүріп өтіп, микрофон таңдағанын байқауға болады.

Сонымен қатар Кенталдың отбасылық қуанышына Рано Умарова да келген. Ол да желіде бұл күннің естелігін бөлісті.

Айта кетейік, әнші мен жұбайының екі ұлы бар. Олардың тұңғышы 2021 дүниеге келді. Кенталдың тұсаукесер тойы өткен екінші ұлы 2023 жылы өмірге келді.

Мәтіннен қате тапсаңыз, бізге жазыңыз