"Жаңа тынысым": Қайрат Нұртастың келіншегі бесінші перзентін дүниеге әкелді (видео)

Қазақстандық шоу-бизнестегі танымал жұлдызды жұп Қайрат Нұртас пен Жұлдыз Әбдікәрімованың бесінші перзенті дүниеге келді. Бұл туралы KAZ.NUR.KZ хабарлайды.

Қуанышты хабарды Жұлдыз Әбдәкәрімованың өзі Instagram-дағы парақшасында жария етті. Өнер иесі сәбиімен түскен видеосын бөлісіп, қалың көпшілікті таңғалдырды. Бейнежазбада алдымен актрисаның аяғы ауыр сәті көрсетіліп, кейін баласын құшақтап отырғаны көрініс табады.

"Жаңа тынысым" , - деген жазба қалдырды Қайрат Нұртастың әйелі видеоның астында.

Желі қолданушылары ерлі-зайыптыны жарыса құттықтап, ақ тілектерін жаудырды. Алайда Жұлдыз Әбдікәрімова перзентінің жынысын көпшілікке әлі де жария етпеді.

Посмотреть эту публикацию в Instagram

Публикация от Instagram

"Бауы берік болсын", "Сіздер үшін шын қуаныштымын", "Әлі босанбайды деп жүрсек. Таңғалдырдыңыз", "Мынау керемет тосынсый болды", "Ата-анасына тартсын, елге сыйлы болсын", - деп жазуда оқырмандар.

Айта кетейік, бұл Қайрат Нұртас пен Жұлдыз Әбдікәрімованың бесінші перзенті болды. Ерлі-зайыптының кішкентай сәбиден басқа екі ұлы, екі қызы бар.

Мәтіннен қате тапсаңыз, бізге жазыңыз