Қазақстандық танымал актриса тұңғыш сәбиін дүниеге әкеліп, ана атанды

39 жастағы қазақстандық актриса Аружан Жазылбекова тұңғыш сәбиін өмірге әкеліп, ана атанды, деп хабарлайды KAZ.NUR.KZ.

Аружан мен жұбайы Instagram парақшаларында әсерлік видео жариялады. Кадр актрисаның жүкті кезінде түсірілген көрінеді.

"Сен қашан туар екенсің деп көп күттік. Ал сен нағыз әкесінің қызы сияқты оның сүйікті күнін таңдапсың – 11.11.25.

Міне, сол күні кішкентай Сарамыз дүниеге келді, біз әлемдегі ең бақытты ата-анамыз", - деп жазды Аружан мен оның күйеуі, "Zamandas" подкасының жүргізушісі Ержан Алдабергенов.

Динара Бақтыбаева, Айсәуле Бақытбек, Гүлнар Силбаева, Дина Тасболатова, Ләйлә Сұлтанқызы, Альмира Тұрсын, Сәкен Қағаров және басқа да қазақстандық шоу-бизнес жұлдыздары ерлі-зайыптыны сәби сүйген жұпты құттықтады. Оларға Аружанның шығармашылығын жақсы көретін жанкүйері де қосылды.

"Аружан! Сіз үшін, сіздер үшін қуаныштымын! Сау болыңыз! Тез қалпыңызға келуіңізге тілектеспін", "Не деген бақыт! Отбасыңыз жаңа адаммен толығып жатыр, құттықтаймын! Дені сау, бақытты болып өссін!" "Кішкентайыңызға зор денсаулық тілеймін", - деп пікі қалдырды олар желіде.

Посмотреть эту публикацию в Instagram

Публикация от Aruzhan Jazilbekova (@arujazz)

Мәтіннен қате тапсаңыз, бізге жазыңыз