RU

Қазақстанның үздік жоғары оқу орындары анықталды

аудитория в университете
Фото: UGC

Білім беру сапасын қамтамасыз­дан­дыру тәуелсіз қазақстандық агенттігі (БСҚА) 2016 жылғы Қа­­зақ­­станның үздік жоғары оқу орын­­дарының ұлттық рейтингін ұсы­нады деп хабарлайды Егемен Қазақстан басылымы.

Қазақстанның үздік ЖОО Ұлттық рей­тингі тізімінде еліміздің тек 52 оқу ор­ны көрсетілген. Олар 1-ші сауалдамада көрсетілген академиялық ресурстың 70 максималды баллының 33%-дан тө­мен емес балл алған ЖОО. Сондықтан көп­бейінді ЖОО санатында тек 18 оқу орны; техникалық – 13; гуманитарлық-экономикалық – 12; өнер ЖОО – 1; меди­циналық – 3; педагогикалық – 5 оқу орны көрсетілген.

Рейтингтің барлық үш сауалдамасы бойынша интеграцияланған нәтижелер газетте жарияланған, ал рейтингтің әр сауал­намасы және әр индикаторы бойынша нәтижелер агенттіктің www.nkaoko.kz сайтында көрсетілген.

Көпбейінді ЖОО рейтингінің қорытын­дысы бойынша биылғы жылы да біріншілік қатарын жетекші ұлттық университеттер сақтаған: Бірінші орынды бөліскен Л.Н.Гу­милев атындағы Еуразия ұлттық универ­ситеті және әл-Фараби атындағы Қазақ ұлттық университеті. Көпбейінді ЖОО бірінші бестігіне, алдыңғы жылдардағыдай М.О.Әуезов атындағы Оңтүстік Қазақстан мемлекеттік университеті (3-ші орын), Е.А.Бөкетов атындағы Қарағанды мемле­кеттік уни­верситеті (4-ші орын), С.Торай­ғы­ров атындағы Павлодар мемлекеттік уни­верситеті (5-ші орын) енді. Техникалық ЖОО тобында бірінші орында бірнеше жыл бойы Қазақстан-Британ техникалық университеті, одан кейін екінші орында – Қарағанды мемлекеттік техникалық университеті, үшінші орында – Қазақ ұлттық аграрлық университеті тұр.

Үздік техникалық ЖОО бестігіне Д.Серікбаев атындағы Шығыс Қазақстан мемлекеттік техникалық университеті және Алматы технологиялық университеті енді. Халық­аралық ақпараттық технологиялар универ­ситеті 8-ші орыннан 6-шы орынға, акаде­миялық ресурстар бойынша үшінші орынға көтерілді.

Гуманитарлық-экономикалық ЖОО тобында бірінші орынды тұрақты ҚМЭБИ университеті алса, екінші орын­ды Қазақ­тұтынуодағы Қарағанды эконо­микалық университеті, үшінші орынды Алматы менеджмент университеті (бұрынғы –ХБА) алды, бұл бағыттағы жетекші ЖОО бестігіне «Нархоз» Уни­верситет және «Тұран» университеті енді.

Шығармашылық бағыттағы ЖОО ішінде Қазақ ұлттық өнер университетіне бәсе­келестік болған жоқ.

Медицина ЖОО ішінде бірнеше жыл бойы жетекші бірінші орында С.Асфен­дияров атындағы Қазақ ұлттық медицина университеті, 2-ші орында Семей қаласының мемлекеттік медицина уни­верситеті, үшінші орында Оңтүстік Қазақ­стан фармацевтикалық академиясы орна­ласқан.

Педагогикалық ЖОО бағыты бойынша педагогикалық білім берудің көшбасшысы – Абай атындағы Қазақ ұлттық педагогика­лық университеті болса, екінші орында – Қа­зақ мемлекеттік қыздар педагогикалық университеті, одан кейін Павлодар мемле­кеттік педагогикалық институты, Қостанай мемлекеттік педа­гогикалық институты және Тараз мем­лекеттік педагогикалық инс­титуты тұр. Павлодар мемлекеттік педа­гогикалық институты сенімді жұмыс жасау арқа­сында академиялық ресурс бойынша екінші орын алды.

Тағы оқыңыздар:

Халықаралық университеттер рейтингіне еліміздің бірде-бір жоғарғы оқу орны кірмеді

Қазақстанның үздік жоғары оқу орындары анықталды

Қазақ азаматы он жыл жазықсыз түрмеде отырғаны үшін Ресейден $8000 өндіріп алды

Алты тіл білетін қазақ қызы өзінен он жас кіші үнділікке тұрмысқа шықты

"Еуразия бірінші арнасындағы" жер дауына қатысты жалған ақпараттың артында кім тұр?

Мақаланың түпнұсқасы: https://kaz.nur.kz/society/1187089-qazaqstannynh-uzdik-zhoghary-oqu-orynda/