Көкшетауда 12 жасар қызды зорлады деп күдіктелген жігіт ұсталды
Опубликовано:
Ақмола облысында полицейлер кәмелетке толмаған қызды зорлады деп күдіктелген жігітті қамауға алды. Бұл туралы NUR.KZ өңірдің ІІД баспасөз қызметіне сілтеме жасап хабарлайды.
Күдіктіні анықтап, құрықтау мақсатында арнайы іздеу тобы құрылып, ІІД бұл істі өз бақылауына алды.
«Бармашино» ықшамауданында тінту жүргізіліп, жергілікті тұрғындар мен кеңсе қызметкерлері сұраққа алынды. Нәтижесінде қылмыс болған күні күдікті адамды байқап қалған куәгерлер табылған. Олар ер адам өзімен бірге жол сөмкесін арқалап жүргенін есіне алды. Полицейлер күдікті өзге өңірден келген болуы мүмкін деп болжаған.
Тағы оқыңыздар: "Әуретті жері көрінуге шақ" көйлек киген бойжеткен Қазнетті дүрліктірді (видео)
Барлық бейнебақылау камераларындағы жазбаларды қарап шыққан тәртіп сақшылары 21 тамыз күні кәмелетке толмаған қызды зорлау фактісі бойынша Бурабай ауданының 24 жастағы тұрғынын құрықтады.
Күдікті облыстық орталыққа жұмысқа тұру үшін келгені белгілі болды. Ол өз кінәсін мойындап отыр.
Еске салсақ, төртінші тамыз күні Көкшетау ІІБ-не 2005 жылғы қыздың зорланғаны туралы шағым келіп түскен болатын. Бұған дейін қыз бала он жаста екені хабарланған.
Мақаланың түпнұсқасы: https://kaz.nur.kz/society/1595201-kokshetauda-12-zhasar-qyzdy-zorlady-dep-ku/
