Астанада оттың ортасында қалған балалар терезеден секіруге мәжбүр болды

Астанада элиталық көпқабатты үйден өрт шығып, ішіндегі балалар тірідей жанып кете жаздады. От жетінші қабаттан тұтанған деп хабарлайды КТК арнасына сілтеме жасаған NUR.KZ.

Сол маңдағы құрылысшылар будақтаған түтіннің арасынан кішкентайларды кезек-кезек балконнан төменгі қабатқа лақтырып, аман алып қалды.

Куәгерлер ұялы телефонға түсіріп алған видеоға қарағанда, өрт шыққан үйдің алдына адам көп жиналған. Ал жанып жатқан пәтердің ішіне кірген құрылысшылар болып шықты.

Олар кішкентайларды балконның терезесі арқылы төменгі қабатқа түсіріп, аман алып қалыпты.

Қорқып қалған бес баланың жандаусы шығып жатыр. Араларында аналары да бар. Ал от балкондағы жинаулы тұрған заттардан шыққан.