Шапырашты мен Найман: Шымкенттіктер салатқа рудың атын қоя бастады (фото)

Рулардың атымен аталатын ас мәзірі көпшілікті таңғалдырды деп хабарлайды NUR.KZ.

Отандық тамақтану орындарында клиент тартудың жаңа әдісі пайда болды. Енді ас мәзіріне қазақ руларының есімі беріле бастады. Бұл туралы қазақстандық тұрғын Айдос Жұқанұлы Facebook желісіндегі парақшасында жария етті.

"Қайсысын жейін? Шапыраштыны ма, найманды ма?" деп жазған ол ас мәзірінің фотосын желіге жүктеді.

Ас мәзірінде салаттың бірнеше түрі құрамымен көрсетілгенін байқауға болады. Мұны көрген желідегілер өз руларын іздеп, "әркімдікі өзіне, ай көрінер көзіне" деген секілді пікірлерін жаудырды.

Айтпақшы, автор бұл еліміздің қай өңіріндегі мейрамхана мәзірі екеніне тоқталмаған.