Сізден басқа жоқ Құдай: Қазақ ақыны Назарбаевты тағы да Құдайға теңеді

Опубликовано:

Елбасы мен оның отбасына өлең арнаумен танымал ақын Балтабек Нұрғалиев елбасы Нұрсұлтан Назарбаевқа кезекті жыр шумағын арнап, президентті тағы да құдайға теңеді деп хабарлайды NUR.KZ.

Нұрсұлтан Назарбаев
Нұрсұлтан Назарбаев: UGC

Ақын президентке арнаған өлеңін Facebook парақшасында жария еткен.

Жұмақ-есті Жаратқан

Елбасы Нұрсұлтан Әбішұлына ізгі ниетпен арнадым!

Уа, Нұр-Атам – Құдайым,

Сайтан қашқан сесінен.

Жұмақ аңқыр ылайым,

Елбасылық есінен!

Сізден басқа жоқ Құдай,

Құдай тұтам мен, расы.

Елім айтар дөп бұлай:

"Есі жұмбақ елбасы"!

Бақ боп бізге бұйырған,

Қазағымның құт-ары.

Жүректерге құйылған,

Жұмақ-Естің жұпары.

Қазақ дейтін әлсізді,

Ел еттіңіз ерікті.

Өмір дейтін мәнсізді,

Гүл еттіңіз көрікті.

Барлық мадақ тән Сізге,

Таңым үшін әр атқан.

Қуат қазақ – әлсізге,

Жұмақ-есті жаратқан.

Құдайым деп құптағам,

Бар әмірің – бақ-үлес.

Жұмақ-Есті ұқпаған

жанның бәрі – Жарым-Ес.

Еске сала кетейік, Балтабек Нұрғалиев бұған дейін де президентке жыр шумақтарын арнаған еді.

Мақаланың түпнұсқасы: https://kaz.nur.kz/society/1728128-sizden-baska-zok-kdaj-kazak-akyny-nazarbaevty-tagy-da-kdajga-teedi/