Жазға екі апта қалғанда еліміздің кей өңірлерінде қар жауады
Опубликовано:
Жазға екі апта қалғанда еліміздің бірқатар аймақтарында жабысқақ қар жауады. Синоптиктер республиканың солтүстігі мен орталығында суық сақталатынын ескертеді деп хабарлайды Sputnik Қазақстан агенттігіне сілтеме жасаған NUR.KZ.
![Жазға екі апта қалғанда еліміздің кей өңірлерінде қар жауады Жазға екі апта қалғанда еліміздің кей өңірлерінде қар жауады](https://cdn.nur.kz/images/1120/pogudx19rrerm12ouo.jpeg)
"Республиканың солтүстік, орталық және шығыс аудандарына Батыс Сібірден арктикалық суық фронт жылжып келеді. Оның ықпалынан күн суытып, жауын-шашын болады. Кей жерлерде жаңбыр соңы жабысқақ қарға ұласады. Ауа температурасы нормадан 2-4 градусқа төмен болады деп болжанады", — деп хабарлады Қазгидромет.
Ал Қазақстанның батыс, оңтүстік және оңтүстік-шығысында ауа-райын төменгі атмосфералық қысым өрісі анықтайтын болады. Бұл өңірлердің кейбір жерінде өткінші жаңбыр жауып, найзағай жарқылдайды.
Батыста ауа температурасы климаттық нормадан жоғары, оңтүстік пен оңтүстік-шығыста нормаға жуық болады.
Мақаланың түпнұсқасы: https://kaz.nur.kz/society/1732157-zazga-eki-apta-kalganda-elimizdi-kej-irlerinde-kar-zauady/