Рамазан айында белгісіз біреулер мешіттегі садақа жәшігін ұрлап кетті

Қасиетті Рамазан айы екеніне қарамастан еліміздегі мешіттердің бірінде садақа жәшігі ұрланды. Оны видеоға түсірген азамат бұл істі көпшілікке әшкереледі деп хабарлайды NUR.KZ.

Видеоны түсірген азамат: "Бұл біздің мешіт. Сіздерге айтайын деп жатқаным, белігісіз бауырларымыз мешітте тұрған садақа жәшігін ұрлап кетіпті. Ілініп тұрған жерінен жұлып алып кеткен. Рамазан айында мұндай істерді қалай істегенін білмеймін", - деді.

Ал желі қолданушылары ұрлық істеген азаматтарды айыптап, жеңіл жолмен келген ақшаның жақсылық алып келмейтінін алға тартты.

"Одан да еңбек етсе қайтеді", "Масқара. Айдың-күннің аманында мешіт тонағаны несі?", "Адамдар азғындап бара жатыр" деп ашуланды оқырмандар.