Сүйгеніне он баласымен қосылған заңгердің анасы келіні жайлы айтып берді

Заңгер Жәнібек Қабановтың анасы Айнагүл апай қалай бірден он баланың әжесі атанып, келінімен танысқандығы жайлы айтып берді деп хабарлайды KYN.KZ сілтеме жасаған NUR.KZ.

Зейнеткердің айтуынша, ол Астанаға туыстарына қыдырып барғанда вокзалдан ұлы мен мүлдем таныспаған келіні күтіп алған. Үйге келсе, он бала қолдарына шар ұстап алып, әжелерінің келуін күтіп жүр. Апай бірден балаларды құшағына алып, бауырына басқан.

"Жанарды жас келін түскендей үкілеп алып бардық. Құлағына бриллиант сырғасын салып, барлық туыстарыммен таныстырдым", - дейді зейнеткер.

Айнагүл апай «Жәнібек 10 балалы әйелге үйленіпті ғой» деп сынағандарға «Несі бар екен? Балалардың еш кінәсі жоқ! Қазақтар жетімін жылатып, жесірін қаңғыртпаған" деп жауап берген.

Айнагүл апай келінінің өте ақкөңіл жан екенін және немерелерін бөлмей, бәрін бірдей жақсы көретіндігін айтты.