RU

Астанада үйдің төбесінде асыр сап ойнап жүрген балалар жұрттың ашуын тудырды

Астанадағы тұрғын-үйлердің бірінің төбесінде асыр сап ойнап жүрген балалардың әрекеті көпшіліктің ашуын келтірді. Айтуларынша ата-аналар жазғы демалыста балаларына сақ болып, оларды қатаң қадағалауы тиіс деп хабарлайды NUR.KZ порталы.

Фото: Instagram
Фото: Instagram: UGC

Елордадағы тұрғын-үй кешенінің төбесінде ойнап жүрген жеткіншектердің видеосы Instagram желісіндегі пабликтердің бірінде пайда болды. Онда Шәкәрім Құдайбердіұлы көшесінің бойындағы тұрғын-үйлердің бірінде балалардың ойнап жүргенін анық көруге болады.

Желі қолданушылары жеткіншектердің аталған әрекетін сынап тастады. Сондай-ақ олар "Ата-аналары қайда қарап отыр?", "Жаз уақытында балаларға сақ болу керек", "Сақтансаң сақтайды" деген пікірлерін жаудырып жатыр.

Мақаланың түпнұсқасы: https://kaz.nur.kz/society/1737980-astanada-jdi-tbesinde-asyr-sap-ojnap-zrgen-balalar-zrtty-asuyn-tudyrdy/