Назарбаев Астанада хан сарайындай балабақшаны ашты (фото)
Опубликовано:
Бүгін Астанада мемлекет басшысы Нұрсұлтан Назарбаев өңірлердің елорданың 20 жылдығына орай тарту еткен бірқатар нысандарының тұсауын кесті. Солардың бірі - 240 орындық "Алматы" балабақшасы болды. Елбасы бүлдіршінденрдің ата-аналарымен кездесіп, кішкентай бөбектермен шүйіркелесе әңгімелесті деп хабарлайды NUR.KZ.
![Астанада хан сарайындай балабақша Астанада хан сарайындай балабақша](https://cdn.nur.kz/images/1120/pogudx5u1i9u47kbm.jpeg)
Астананың 20 жылдығына орай аймақтардың тарту ретінде ұсынған айтулы нысандарынының тұсау кесу рәсімі толастар емес. Бүгін президент елордада "Алматы" балабақшасының тұсауын кесіп, бөбектер мен олардың ата-аналарына сәттілік тіледі.
![Елбасы Нұрсұлтан Назарбаев Астанада ашылған балабақшада Елбасы Нұрсұлтан Назарбаев Астанада ашылған балабақшада](https://cdn.nur.kz/images/1120/pogudx320unpbjksqg.jpeg)
"Астана өздеріңіз куәсіздер, күннен күнге көркейіп келеді. Солардың ішінде мынадай әлеуметтік маңызы бар нысанның бой көтеруі - айтулы шара деп білемін. Мына кішкентай бүлдіршіндер біздің болашағымыз. Келешекте елдің тұтқасын ұстайтын азаматтар осылар болады. Сондықтан барлықтарыңызды құттықтаймын, еліміз дамып, көркейе берсін!", - деді Назарбаев.
![Елбасы Астанада ашылған балабақшада Елбасы Астанада ашылған балабақшада](https://cdn.nur.kz/images/1120/pogudx85hkja9sp6k.jpeg)
Бір қуантарлығы хан сарайындай балабақшаның іші-сырты ұлттық нақышта безендірілген. Балабақша Алматы қаласының Астананың 20 жылдығына арналған тартуы болғандықтан, оның іші-сыртында әсем Алматының басты символдарының бейнесі көрініп тұрды.
![Елбасы бүлдіршіндермен Елбасы бүлдіршіндермен](https://cdn.nur.kz/images/1120/pogudx49ecrpcda7c.jpeg)
![Фото: NUR.KZ Фото: NUR.KZ](https://cdn.nur.kz/images/1120/pogudx2rk9k19g9gv.jpeg)
Мәселен, балабақша сыртында алматылық алма ағашының мынадай әдемі суреті бой көрсетіпті.
![Астанада ашылған балабақша Астанада ашылған балабақша](https://cdn.nur.kz/images/1120/pogudx12n8c5r9lje.jpeg)
Ал нысанның кіре берісінде "Алматыдан Астанаға тарту" деген жазба да тұр.
![Фото: NUR.KZ Фото: NUR.KZ](https://cdn.nur.kz/images/1120/pogudxuqti5cl4gp.jpeg)
Айта кетейік, балабақшадағы бөбектер тобының атаулары да Алматының басты "брэндтерінің" атымен аталмақ. Мәселен, оларға "Алатау", "Медеу", "Шымбұлақ", "Көктөбе" Үшқоңыр деген тағы басқа атаулар берілмек.
![Үшқоңыр тобы Үшқоңыр тобы](https://cdn.nur.kz/images/1120/pogudx7e7e36n3k6i.jpeg)
Тіпті, балабақша бөлмелеріндегі кілемдерге дейін оңтүстік астананың бас символдары бейнелеген. Онда "Қазақстан" қонақүйі, "Достық" даңғылы деген жазбаларды анық көруге болады.
![Астанада ашылған балабақша Астанада ашылған балабақша](https://cdn.nur.kz/images/1120/pogudx5bvj3h08t7m.jpeg)
Ал, жалпы балабақшадағы бөбектер ұзын саны 12 топқа бөлінбек. Айта кетерлігі 240 бүлдіршінге арналған балабақша елорданың "Алматы" көшесінің бойында орын тепкен.
![Фото: NUR.KZ Фото: NUR.KZ](https://cdn.nur.kz/images/1120/pogudx5ipar56te1d.jpeg)
![Фото: NUR.KZ Фото: NUR.KZ](https://cdn.nur.kz/images/1120/pogudx35m8p6o6v9ig.jpeg)
Мақаланың түпнұсқасы: https://kaz.nur.kz/society/1740096-nazarbaev-astanada-han-sarajyndaj-balabaksany-asty-foto/