Шілде басталған соң шымкенттіктерді қарақұрт шағып тастады

Шымкентте жаз маусымы басталғалы бері қарақұрттар 25 адамды шағып алған. Жапа шеккендердің ішінде балалар да бар. Қарақұрттың белсенділігі тек осы маусымда ғана артады деп хабарлайды Otyrar.kz-ке сілтеме жасаған NUR.KZ.

Қарақұрттың шағып алғанынан жапа шеккендердің саны маусым айының басында күрт арта бастаған. 25 адамның ішінде төртеуі - бала. 10 адам әлі күнге дейін емханалардағы токсикологиялық бөлімшелерде ем қабылдап жүрген көрінеді.

Мамандар қарақұрттар белсенділігінің артқанын айтып отыр. Олардың күрт көбеюі 10-12 жылда бір болады екен. Алдыңғы жолы қарақұрттар санының күрт көбеюі 2005 жылы болған.

Былтыр маусым айында қарақұрттың кесірінен Атырау облысында алты түйе өліп қалған еді. Сондай-ақ Шымкентте маусым айының соңына дейін қарақұрттан зардап шеккен 30 адам емхана көмегіне жүгініпті.