"Әділ Қытай" қылмыстық тобының басшысы 20 жылға сотталды
Опубликовано:
Атышулы "Әділ Қытай" ұйымдасқан қылмыстық тобының басшысы Әділжан Зайнаудин 20 жылға бас бостандығынан айырылды деп хабарлайды bnews.kz сайтына сілтеме жасаған NUR.KZ.
![Фото: jornaldoalgarve.pt Фото: jornaldoalgarve.pt](https://cdn.nur.kz/images/1120/pogudx4belup7pp84.jpeg)
Үкімді сот Бақытхан Бәкірбаев оқыды.
Әділжан Зайнаудин жазасын қатаң режимде өтейтін болады.
Сондай-ақ топ серкесінің барлық мүлкі тәркіленбек. Оның ішінде қымбат маркалы бірнеше көлігі де бар.
Зайнаудиннің ұлдары Бахтишат Арупов 6 жылға сотталды. Ал Мехришат Зайнаудинді бір жыл 2 айға бас бостандығынан айырып, сот залынан босатты.
Айта кетейік, топтың басқа мүшелері: Қанат Әбдірахманов, Дәулет Байғабатов, Бақытжан Байсалбаев, Саид Жалалов, Имаржан Қабыров, Амирдин Яхьяров, Төленді Кененбаев, Шухрат Худавадиев, Нұрмұхамет Сиханов 3,5 жылдан 8 жылға дейін бас бостандығынан айырылды..
Сот үкімі әлі заңды күшіне енбеді.
Мақаланың түпнұсқасы: https://kaz.nur.kz/society/1752583-dil-kytaj-kylmystyk-tobyny-bassysy-20-zylga-sottaldy/