Қарағандыда бір ай бұрын жоғалған мемлекеттік қызметкер табылды
Опубликовано:
Қарағандылық полицейлер із-түзсіз жоғалып кеткен "Азаматтарға арналған үкімет" мемлекеттік корпорациясы Акционерлік қоғамының қызметкерін тапты деп хабарлайды NUR.KZ.
![Арман Әлімов. Фото: отбасының жеке мұрағатынан Арман Әлімов. Фото: отбасының жеке мұрағатынан](https://cdn.nur.kz/images/1120/pogudx3u3n2egj08e.jpeg)
Арман Әлімовке осы жылдың 10 қазанынан бері іздеу салынған еді. Төрт апта бойы оның туыстары мен еріктілер полиция қызметкерлерімен бірге азаматты табуға тырысқан.
Бүгін еріктілер тобы оның дін-аман табылғанын мәлім етті. Ал осынша уақыт не себепті жоғалып кеткені әзірге белгісіз.
"Арман аман-есен табылды. Осы уақытқа дейін қайда болғаны белгісіз. Оны полицейлер іздеп тапты", - дейді еріктілер.
Еске салсақ, осыған дейін Қарағандыда мемлекеттік корпорацияның 29 жастағы қызметкері жоғалып кеткені туралы хабарлаған болатынбыз.
Арман Әлімов жұмыстан шығып таксиге отырғаннан кейін, хабарсыз кеткен.
Мақаланың түпнұсқасы: https://kaz.nur.kz/society/1761790-karagandyda-bir-aj-bryn-zogalgan-memlekettik-kyzmetker-tabyldy/