Архимед Мұхамбетов Қостанай облысының атауын өзгертуге қарсы шықты
Опубликовано:
Қостанай облысының әкімі Архимед Мұхамбетов өңір атауын Торғай деп ауыстыру туралы қазақстандықтардың ашық хатына пікір білдірді деп хабарлайды NUR.KZ.
![Фото: alau.kz Фото: alau.kz](https://cdn.nur.kz/images/1120/pogudx69a5uuibeeo.jpeg)
Әкім жеті адам қол қойған хатпен жақсылап танысып шыққанын айтады.
"Қостанай Кеңес Одағы кезінде де Қостанай деп аталған. Ол бұрын Торғай деп аталған болса мен түсінер едім. Торғай - Жангелді ауданындағы ауыл, ол Арқалық жақта. Егер тарихи атауын қайтару болса бір жөн. Сондықтан, мен жеке басым - бұл ойға қарсымын", - деді өңір басшысы.
Архимед Мұхамбетовтың айтуынша, ол облыстағы бірнеше қоғам қайраткерлерімен осы турасында сөйлескен.
"Мысалы біздің өңірдегі 3-4 ауданда әкім болған Сабыржан Ахметов, Халибек Дерибсалиндер хатқа қол қоймағандарын айтты", - дейді ол.
Сондай-ақ, әкім бұл мәселемен халықты даурықтыра беру дұрыс емес екенін атап өтті.
Мұндай ұсыныстар алдымен қоғамдық тыңдалымдарда талқылануы тиіс деп санайды ол.
Мақаланың түпнұсқасы: https://kaz.nur.kz/society/1762021-arhimed-mhambetov-kostanaj-oblysyny-atauyn-zgertuge-karsy-sykty/