Мұқағалидың өлеңін тебірене оқыған балақайлар жұртты сүйсінтті

Әлеуметтік желіде Мұқағали Мақатаевтың өлеңдерін тебірене оқыған кішкентай балақайлардың видеосы тарады. Бұл бейнежазбаны көрген желі қолданушылары тебіреніп кетті деп жазады NUR.KZ.

Видео @talanty.kz парақшасында жарияланған. Онда балақайлар Мұқағали Мақатаевтың "Шеше, сен бақыттысың" және "Екі інімнің найзасының ұшымын" атты өлеңдерін мәнерлеп оқып береді.

Бейнежазба Қазақстанның қай өңірінде түсірілгені белгісіз.

Ал жазбаны көрген оқырмандар жас жеткіншектерге сүйсініп, ақ тілектерін жаудырған.

"Көзіме жас келіп кетті ғой, жарайсыңдар", "Құрметке лайық", "Ер жетіп, ел намысын қорғаған, мықты, намысшыл азаматтар болсын", "Керемет", -деп жазған олар.