Қазақ қызының жалаңаш суреті мен хиджабтағы кейпі желіні шулатты (фото)

Әлеуметтік желіде жалаңаш тәніне ұлттық бұйымды тағып суретке түскен қазақ қызының суреті тарап кетті деп жазады NUR.KZ.

Әлеуметтік желіде forwarddemon есімімен танымал арудың парақшасына бүгінде 40 мыңнан астам адам тіркеліп үлгерген.

Нарчева Шырын өзінің жеке парақшасында жартылай жалаңаш суреттерін жиі жүктеп тұрады.

Оның әр жазбасының астына теріс пікір білдіріп, жерден алып, жерге салатындар көп.

"Ұятың қайда", "Сені де біреу қызым дейді-ау", "Байзақованың жолын қуған", "Қазір жалаңаштанып-ақ танымал болатын заман болды ғой", "Осындай ұятсыздарды жазалау керек".

"Мынауың масқара ғой", "Жалаңаш тәніңмен ұлттық бұйымды қорлағаның не?", "Сендейлерге айыппұл салдыру керек", "Айтарға сөзім жоқ" деп желідегілер жарыса пікір қалдырған.

Айта кетейік, Шырын желідегі парақшасында өзіне теріс пікірді қарша боратқан оқырмандарына жауап қайтарған.

"Мен өзімнің парақшама жазылған 500-ге тарта теріс пікірлерді оқыдым. Олардың барлығы "Қазақтарды масқараладың", "Қазақстанды ұятқа қалдырдың" деп жазады. Сонда ұят жайлы айтып отырған сауатсыз адамдар елді ұятқа қалдырмайды ма? Әрине, әлеуметтік желіде біреуді қаралау оңай ғой", - деп видео үндеу жолдаған.