"Ана үйіне" арнайы барып, сәбидің тұсауын кескен Семей әкіміне ел риза болды (фото)

Семей әкімі Ермак Сәлімов "Ана үйіне" арнайы барып, кішкентай бүлдіршіннің тұсауын кескен. Қала басшысының игі ісі туралы танымал блогер өзінің Facebook парақшасында хабарлаған деп жазады NUR.KZ.

"Семейдің әкімі кеше "Ана үйіне" барып кішкене бөбектің тұсауын кесіпті. Ішім жылып қалды. Бұл жерге тағдыры қиын әйелдер келеді. Қамкөңіл болып жүрген адамға басынан сипап жылы сөз айтудың өзі үлкен көмек. Халыққа жақын бол деген осы шығар" , - деп жазған Алмас Тоқабаев.

Желі қолданушылары Ермак Сәлімовтың бұл әрекетіне риза болып, оң пікірлерін жаудырды.

"Әкім жараған екен", "Әңгіме жоқ әкімге", "Иә расымен жарады қала басшысы" ,- деп жазуда желідегілер.