Қазақстанның бірінші ханымы: Сара Назарбаева 78 жасқа толды

Елбасының өмірлік серігі Сара Назарбаева 12 ақпан күні туған күнін атап өтуде деп жазады NUR.KZ.

Сара Алпысқызы 1941 жылы Қарағанды облысының Қызылжар ауылында дүниеге келген. Бүгін ол 78 жасқа қадам басты.

Нұрсұлтан Назарбаев екеуі 1962 жылы шаңырақ құрған. Үш қызды дүниеге әкеліп, тәрбиелеген.

Президенттің жұбайы 1992 жылдан бері халықаралық "Бөбек" балалар қайырымдылық қорын басқарып келеді.

1994 жылдан бері «SOS — Қазақстанның балалар ауылдары» қорына жетекшілік етіп, 1999 жылдан бері «Демография» қайырымдылық қорының қамқоршылық кеңесінің төрайымы болып табылады.

Сондай-ақ Сара Назарбаева "Өзін-өзі тану" рухани-адамгершілік құндылықтарды жаңғырту жобасының авторы.