Аурухананың қалай салынғанын түсінбеген ақтөбелік бас дәрігер күнде адасып жүр (фото)
Опубликовано:
Ақтөбеде облыстық балалар ауруханасы басшысы кабинетін таба алмай күнде адасатынын айтады. Бұған себеп аурухананың лабиринт етіп салынуы екені деп хабарлайды KAZ.NUR.KZ.
![Ерлан Сұлтангереев. Фото: KAZ.NUR.KZ Ерлан Сұлтангереев. Фото: KAZ.NUR.KZ](https://cdn.nur.kz/images/1120/c524d6659c38b6fd_w.jpeg)
Үш ай бұрын тағайындалған бас дәрігердің кабинеті ғимараттың үшінші қабатында орналасқан.
"Мен өзім кабинетіме келу үшін күнде адасамын. Қалай салынғанын түсінбеймін. Қасымда үнемі біреу еріп жүреді", - дейді облыстық балалар ауруханасының бас дәрігері Ерлан Сұлтангереев.
![Аурухана іші. Фото: KAZ.NUR.KZ Аурухана іші. Фото: KAZ.NUR.KZ](https://cdn.nur.kz/images/1120/5e6faabaa147592c_w.jpeg)
Бас дәрігердің кабинетіне жету үшін тез жүргеннің өзінде лабиринт етіп салынған аурухананың ішін 10-15 минут шарлауға тура келеді.
Ал аурухананың ішін мүлде білмейтін науқас бас дәрігерді іздеймін деп жүріп өзі адасып кетуі әбден мүмкін екен.
![Аурухана іші. Фото: KAZ.NUR.KZ Аурухана іші. Фото: KAZ.NUR.KZ](https://cdn.nur.kz/images/1120/984f3732fd5bb228_w.jpeg)
Айта кетейік, облыстық балалар ауруханасы 2011 жылы "100 мектеп 100 аурухана" бағдарламасы аясында қолданысқа берілген болатын. Мекеме 200 орындық.
Орталықтағы кемшіліктерге байланысты үш ай бұрын аурухананың басшысы ауысқан болатын.
![Аурухана іші. Фото: KAZ.NUR.KZ Аурухана іші. Фото: KAZ.NUR.KZ](https://cdn.nur.kz/images/1120/b143de2615793d8b_w.jpeg)
Мақаланың түпнұсқасы: https://kaz.nur.kz/society/1781694-auruhanany-kalaj-salynganyn-tsinbegen-aktbelik-bas-driger-knde-adasyp-zr-foto/