Дариға Назарбаева қайтыс болған атыраулық полицейдің отбасына көңіл айтты

Парламент сенатының спикері Дариға Назарбаева Атырауда бойжеткенді құтқару үшін мұздай суға түсіп, қаза болған полицей Шалқар Ақымғалиевтің отбасына көңіл айтты деп хабарлайды сенат баспасөз қызметіне сілтеме жасаған KAZ.NUR.KZ.

Сенатор Шалқар Ағымғалиевтің отбасына көңіл айту жеделхатын жолдады.

"Сіздің отбасыңызға түскен орны толмас қайғыға ортақтаса отырып көңіл айтамыз. Балаларыңыз, жол-патрульдің қызметінің қызметкері Шалқар Көшкіньбайұлы Ақымғалиев басқа адамның өмірін құтқарамын деп өмірін қиды, нағыз ерлік көрсетті. Нағыз батыр тәрбиелегеніңіз үшін сіздерге бас иеміз", - жеп жазылыпты жеделхатта.

Дариға Назарбаева бұл бүкіл Қазақстан үшін ауыр қайғы болғанын жеткізді. Мұндай ерлік пен азаматтық басқаларға, әсіресе өсіп келе жатқан ұрпаққа үлгі боларын ерекше атап өтті.