Күйеуін басқа қыздың дуалап алғанын біліп қойған жүкті әйел сырын ақтарды

Тұрмысқа шыққанына бір ай болған келіншек соңғы күндері қиналып жүргенін айтты. Күйеуін басқа бойжеткен дуалап алғанын білген ол өз басынан кешкендерді ешкімге де тілемейтінін жеткізді деп жазады "Алаш айнасы".

Келіншектің сөзінше, жұбайы өзін кезіктірмес бұрын басқа бойжеткенмен көңіл қосқан.

Қазір барлық келеңсіздік сол бойжеткеннің кесірінен болып жүр екен.

"Күйеуім менен бұрын бір қызбен жүріпті, сол қыз дуалаған екен. Күйеуім себепсіз боқтайды, ішіп алса ұрады, бір күні өте жақсы болып жүреді. Тұрмысқа шыққаныма бір ай болды. Енді не істеймін? Ішімде бала бар. Өзім намаз оқимын. Намаз оқысам, терлеп-тепшіп, зорға оқитын болыппын. Қиналып біттім", -дейді ол.

Есімін жасырған әйел көпшіліктен кеңес беруді сұрайды.