"Оның да әйелі бар": Желіде танысқан жігітті сүйіп қалған келіншек сырын ақтарды

Тұрмысқа шыққанына бес жыл болған келіншек бүгінде күйеуінен көңілі суып, өзге жанға назар аударып жүргенін айтады. Әйел адамның сөзінше, оны ғаламторда танысқан жігіттің сөздері баурап алған деп жазады "Алаш айнасы".

Ғашықтықтан көзі байланған келіншек желідегі жігіт еркелеткен соң өзін әйел ретінде сезініп жүргенін айтады.

"Сіз соңғы рет әйеліңізді қашан еркелеттіңіз? Жылы сөзіңізді арнадыңыз ба? Еркектердің санасында бір нәрсе бар, үйленсем болды, әйел ешқайда кетпейді деген. Оған жылы сөзін айтып, күнде болмаса да арасында еркелетіп тұруды ұмытады", - дейді ол.

Кейіпкер әлеуметтік желі арқылы танысқан ғашығын бұрыннан танитындай сезімде екенін жеткізді. Тіпті, оның жаңа сүйіктісімен ойы бір жерден шығып жатады екен.

"Оның да әйелі бар. Бірақ, ол да әйелінің мінезінен мезі болып, үйіне амалсыз барады. Өйткені, әйелі ештеңенің байыбына бармай, айқай шығарып, үйі жинаусыз, тамақ пісірусіз, бала қараусыз қалады екен", - дейді келіншек.

Махаббатқа мастанған әйел адам осылай жалғаса берсе, алда не күтерін білмеймін дейді.

"Оған күн санап бауыр басып барамын. Кішкене сөйлеспесем, іздеп отырамын. Сағынамын. Ол да мені көзінен таса еткісі жоқ. Кездесіп, сағынышымызды басуға мен көнбей жүрмін. Күйеуімнің көзіне шөп салғым келмейді. Бірақ, сезім санаға бағынбай кетсе, алдағы уақытта бәрі мүмкін", - дейді ол.