"Екінші балаға аяғы ауыр": Елді шулатқан өгей шешеге қатысты тың дерек шықты

Түркістан облысы Жетісай ауданында үш қызға қорлық көрсетті деген күдікке ілінген келіншекке қатысты жаңа дерек шықты деп хабарлайды KAZ.NUR.KZ тілшісі. 

Жетісай ауданы әкімінің кеңесшісі әрі баспасөз хатшысы Айдар Сейдазым "үш қызды соққыға жықты" деп күдіктелген келіншектің екінші перзентіне аяғы ауыр екенін айтты.

"Қыздардың туған анасы күйеуімен ажырасқан соң оларды әкесіне қалдырған.

Ер азамат 2016 жылы екінші рет шаңырақ көтерген.

Үш қыздың әкесі қыздарының бұлайша қорлық көріп келгенін білмегенін айтты. Себебі үнемі жұмыста болған.

Ер азамат көлік жөндеу орнында еңбек етіп, отбасын асырап келген. Ал жұбайы үйде балалардың тәрбиесімен отырған.

Қорлық көрсетті деген күдікке ілінген келіншек 2017 жылы ұл баланы дүниеге әкелген. Қазіргі таңда аяғы ауыр.

Қыздар өгей аналарының тиісті жазасын алуын тілеп отыр. Олармен психологтар жұмыс істеп жатыр", - деді ол.

Айта кетейік, бүгін Түркістан облысында өгей шеше қыздарды ұрып-соқты деген күдікке ілінген еді.

Мәтіннен қате тапсаңыз, бізге жазыңыз