"Өлмейтін полк": Нұр-Сұлтанда мыңдаған адам портрет көтеріп, шеруге шықты (фото)

Нұр-Сұлтанда мыңдаған астаналық тұрғындар өздерінің әкелерінің, аталарының, арғы аталарының суреттерін алып, қала көшелерімен жүріп өтті. "Мәңгілік өлмейтін полк" ("Бессмертный полк") деп аталып кеткен шеруге шыққандар Ұлы Отан соғысында майданға аттанып, ерлік көрсеткен ата-бабаларына ән арнып, еске алды деп жазады KAZ.NUR.KZ.

Елордадағы "Қазақ елі" алаңынан бастау алған шеруде мыңдаған адам ыстық күннің астында төрт шақырым жерді жүріп өтіп, "Отан қорғаушылар" алаңына дейін келді.

"Жеңіс үшін! Аталарымыз бен бабаларымыздың есімі үшін! Ура!", - деп айқайлады шеруге шыққандар.

"Өлмейтін полк" үшін бұл күні Тәуелсіздік даңғылы жабылған - қатысшулар барлық көше бойына жайылып, Мәңгілік алауға қарай бет алды.

Шеруге шыққандардың көп болғаны соншалық, арнайы аппарат арқылы олардан кептеліс тудырмау үшін алау жанында ұзақ тұрмай, әрі қарай жүріп кетуді сұрады.