DAZN Головкиннің қарсыластарын ресми түрде атады

Опубликовано:

Британдық атақты промоутер және DAZN жетекшісі Эдди Хирн орта салмақта WBC, WBA Super және IBF тұжырымдары бойынша әлем чемпионы Сауль Альварестің алдағы болуы мүмкін жекпе-жектері туралы айтып берді деп хабарлайды Sports.kz-ке сілтеме жасаған KAZ.NUR.KZ.

Эдди Хирн мексикалық боксшының алдағы қарсыласы ретінде орта салмақтағы WBO чемпионы Деметриус Андрадені (27-0, 17 КО) және супер орта салмақтағы WBA Super белбеуінің иегері Каллум Смитті (25-0, 18 КО) атап өтті.

Промоутер жанкүйерлердің Геннадий Головкинмен (38-1-1, 34 КО) "Канело" арасындағы үшінші кездесуді көретіндігіне сенімді екендігін жеткізді.

"Менде "Канело" үшін екі нұсқа бар. Олар Андраде мен Смит. Сондай-ақ мен оның кезекті қарсыласы Головкиннің болатындығына сенемін. Сонда біз "Канелоға" әлемнің абсолютті чемпионы титулы үшін айқасуын ұсынамыз, ал содан соң - Смитпен. Біздің жоспарымыз осындай",-деді Хирн.

Мақаланың түпнұсқасы: https://kaz.nur.kz/society/1793344-dazn-golovkinni-karsylastaryn-resmi-trde-atady/

jitsu gif