"Соғыста нан таратқандай": Жаңаөзенде тегін балмұздақ беру үлкен дүрбелеңге ұласты (видео)

Жаңаөзен саябағында таратылған тегін балмұздақ үшін ұрыс пен дүрбелең туды деп хабарлайды KAZ.NUR.KZ.

Саябақта Отбасы күніне орай тегін балмұздақ таратылған. Алайда адамдар мәдениет жайлы ұмытып, бір-бірін қысып, үлкен жанжал шығарды.

Куәгер түсірген видеода адамдардың бір-бірін итеріп, тегін тәттіден алу үшін алға қысылып өтіп жатқанын көруге болады.

Қалың тобырдың ішінде балалар да, ересектер де жүр.

"Бұл тобырдың ішінде адамдар құлап, балалар жоғалып жатты. Соғыс кезінде нан таратқандай", - деді куәгерлердің бірі.

Іnaktau.kz басылымының мәліметінше, қаланың полиция департаменті балмұздаққа кезекте тұрғандардың арасында зардап шеккендер болмаған.