Нұр-Сұлтандағы төрт адамның қазасына қатысты тергеу жұмыстары басталды

Опубликовано: 23 мамыр 2019, 20:10

Полиция Нұр-Сұлтандағы "Астана су Арнасы"-ның төрт қызметкерінің қаза болуына қатысты тергеу жұмыстарын бастады деп хабарлайды KAZ.NUR.KZ.

Нұр-Сұлтан ПД баспасөз қызметінің хабарлауынша, аталған факті бойынша ҚР ҚК 156 - бабы 4-бөліміне сәйкес сотқа дейінгі тергеу амалдары тағайындалды.

Қайғылы оқиға орнында Нұр-Сұлтан полиция департаментінің тергеу-жедел тобы жұмыс істеген.

Қазіргі уақытта барлық қажетті сараптамалар тағайындалды, олардың нәтижелері бойынша процессуалды шешім қабылданады.

Естеріңізге сала кетейік, бүгін 23 мамыр Нұр-Сұлтанда коммуналдық кәсіпорынның төрт қызметкері қаза тапты.

ТЖК хабарлауынша, жұмысшылар бір-бірін құтқармақ болған.

Олар метанмен уланып қалуы мүмкін.