Алматыда футбол ойнауға шығып, жоғалып кеткен 11 жастағы бала табылды

Алматыда кеше футбол ойнауға шығып, жоғалып кеткен 11 жасар Дамир Оспанов табылды. Полицейлер үйіне оралмаған баланы аз уақыттың ішінде іздеп тауып, ата-анасымен қауыштырған деп хабарлайды KAZ.NUR.KZ.

Әзірге істің егжей-тегжейі айтылмады.

Белгілісі Дамир Оспанов аман-есен табылған және оның өміріне қауіп төніп тұрған жоқ.

Қазір оқиғаның мән-жайын полиция анықтап жатыр.

Еске сала кетейік, 29 мамырда Дамир Оспанов есімді жасөспірімнің 28 мамырда үйінен футбол ойнауға шығып кетіп, қайта оралмағаны хабарланды.

Баласының кешіккеніне алаңдаған ата-ана дабыл қағып, полицияға хабар берген.

Мақаланың түпнұсқасы: https://kaz.nur.kz/society/1796700-almatyda-futbol-ojnauga-sygyp-zogalyp-ketken-11-zastagy-bala-tabyldy/