Рамазан айында жайылған ең ұзын дастархан Гиннесс рекордтар кітабына енді (фото)
Опубликовано:
Мысырда жеті мың адамға арнап жайылған ең ұзын дастархан ресми түрде Гиннесс рекордтар кітабына енді. Бұл туралы ТАСС агенттігіне сілтеме жасаған KAZ.NUR.KZ хабарлайды.
![Фото: twitter.com/WatanNews Фото: twitter.com/WatanNews](https://cdn.nur.kz/images/1120/efc01a4457c7a6c8.jpeg)
Сенбі күні әкімшілік астанада жалпыға бірдей ұйымдастырылған ауызашар дастарханының ұзындығы 3 шақырым 189 метр 83 сантиметрді құраған.
Осылайша, пирамидалар елі Аджман әмірлігіндегі (БАӘ) 2900 метрлік рамазан дастарханын басып озды.
![Фото: twitter.com/WatanNews Фото: twitter.com/WatanNews](https://cdn.nur.kz/images/1120/7ff07d90eadd4755.jpeg)
Одан бөлек, жақында Гиннесс рекорды Мысырда тағы бір рет тіркелген еді. Мамыр айының ортасында әлемдегі ең кең аспалы көпір қолданысқа берілген: Ніл арқылы салынған алты жолақты көпірдің ұзындығы 540 метр, ені 67,36метр.
![Фото: twitter.com/WatanNews Фото: twitter.com/WatanNews](https://cdn.nur.kz/images/1120/26f79f68d86d8c20.jpeg)
Анықталғандай, рекорд туралы ресми сертификат Каирге жексенбі күні табысталды.
Айта кетейік, мұсылмандардың қасиетті рамазан айы аяқталуға жақын. Алда ораза айт мерекесі.
Мақаланың түпнұсқасы: https://kaz.nur.kz/society/1797325-ramazan-ajynda-zajylgan-e-zyn-dastarhan-ginness-rekordtar-kitabyna-endi-foto/