Тоқаевтың ұлықтау рәсімінен кейін мінбеде ұзын-сонар кезек пайда болды (фото, видео)

Тәуелсіздік сарайында Қасым-Жомарт Тоқаевты ұлықтау рәсіміне жүздеген адам жиналды. Салтанатты шарадан кейін президент мінбесінде ұзын-сонар кезек пайда болды деп хабарлайды KAZ.NUR.KZ.

"Мен президент сияқты түсірші", "Кезекке тұрыңыз", "Қазір мен. Күтіп тұрғаныма көп болды", - деген әңгімелерді мінбенің жанынан естуге болады.

Салтанатты рәсімнің қонақтары селфи түсіріп, суретке түсіруді өтінді. Бұл тарихи орын - осы жерде бірер минут бұрын жаңа президент Қасым-Жомарт Тоқаев ант қабылдаған болатын.

Мемлекеттік ту мен байрақ ұстаған құрметті қарауыл да суретке түсу нысанына айналды. Олардың да қасына тұрып суретке түскендер көп болды.