Top.Mail.Ru

Сайт нұсқасы

ru kz

Зектілері

Мұғалімдерді кемсіткендерге 252 мың теңге айыппұл салу ұсынылды

Опубликовано:

Қазақстанда мұғалімдердің ар-намысы мен қадір-қасиетіне нұқсан келтіріп, кемсіткендерге айыппұл салу ұсынылды. Оның құны 100 АЕК, яғни, 252 000 теңгені құрауы мүмкін деп хабарлайды KAZ.NUR.KZ.

Көрнекі фото: tolknews.ru
Көрнекі фото: tolknews.ru: UGC

Мұндай заң жобасы "НҚА Ашылуы" сайтында жарияланған. Оны талқылау 27 маусымға дейін өтеді деп жоспарлануда. Заң жобасына қатысты пікір жазып, қалдыруға болады.

"127 бабы 1-1 бөлімі: "1-1. Кәмелетке толмағандардың тарапынан оқытушының ар-намысы мен қадір-қасиетіне тиген нұқсан үшін олардың ата-аналары немесе оларды алмастыратын адамдарға жүз айлық есептік көрсеткіш мөлшерінде айыппұл салынады" бойынша толықтырылсын", - делінген заң жобасында.

Одан бөлек, ҚР заңнамасында көрсетілген жағдайларды есепке алмағанда, оқытушыны кәсіби міндеттеріне қатысы жоқ жұмыстарға тарту, сондай-ақ мұғалімнен заңда көзделмеген есеп пен ақпаратты талап етудің соңы ескертуге әкеп соғады.

Егер оқытушыға өз қаражаты есебінен оқу-тәрбие процесін қамтамасыз ететін тауарлық-материалдық құндылықтарды сатып алу міндеті жүктелген болса да, ескерту жазылуы мүмкін.

Жоғарыда аталған құқық бұзушылықтар бір жыл ішінде қайталанатын болса, құқық бұзушы -лауазымды тұлға үшін - 40 АЕК, ал шағын, орта және ірі кәсіпкерлік субъектілер үшін 60-120 АЕК төлеуге міндеттеледі.

Мақаланың түпнұсқасы: https://kaz.nur.kz/society/1799668-mgalimderdi-kemsitkenderge-252-my-tege-ajyppl-salu-synyldy/

pixel