Тәжікстан президенті қала сыртындағы сарайда өзге елдің көшбасшыларын қалай күтті?

15 маусымда Тәжікстан астанасы Душанбе қаласында Азиядағы өзара іс-қимыл және сенім шаралары жөніндегі кеңестің V саммиті өтті. Осы шараның аса мәртебелі қонақтары мен қатысушылары үшін Тәжікстан президенті Эмомали Рахмон "Достық кешін" ұйымдастырған. Аталмыш кештен видео тәжік көшбасшының Facebook парақшасында пайда болды деп хабарлайды Ахбор сайтына сілтеме жасаған KAZ.NUR.KZ.

Айта кетейік, Душанбеде өткен саммитке 27 елдің көшбасшылары қатысты. Олардың арасында Қазақстан президенті Қасым-Жомарт Тоқаев, Ресей көшбасшысы Владимир Путин, ҚХР президенті Си Цзиньпин, Өзбекстан президенті, Шавкат Мирзиеев пен Иран президенті Хасан Рухани мен өзге де елдің көшбасшылары болған.

"Достық кеші" 14-ші маусым күні кешкі Варзоб шатқалында орналасқан Душанбе мэрінің қала сыртындағы резиденциясында өткен.

Желіде жарияланған кадрдан көшбасшылардың кездесуі бейресми форматта өткенін байқауға болады. Эмомали Рахмон қонақтармен емін-жарқын әңгіме айтып, әзілдескен.

Мәселен ресейлік журналист Дмитрий Смирнов Тәжік президентінің Владимир Путинді қалай құшақтағанына назар аударған.

"Путин мен Рахмон в Душанбеде: Президенттік деңгейдегі құшақтасу", - деп жазды ол Twitter желісінде.