Елордалықтар өз талаптары айтылған құжатты оқып, шеруден тарқасты

Елордада өткен бейбіт шеруге шыққандар талаптары жазылған құжатты оқып, шеруді аяқтады деп хабарлайды KAZ.NUR.KZ.

Көпшілік екі сағатқа созылған шеруде билікке өз талаптарын айтып жатты.

Шеруге шыққандар баспана, тіл, жер, үкімет пен əкімдердің халық алдында есептілігі жəне тағы басқа мəселелерді көтеріп жатыр.

Олардың қатарында Арыстан келген азаматтар да бар. Олар қаланы тездетіп қалпына келтірмейінше, ешбір мереке тойланбасын деген талап қоюда.

Шеруге шыққандар сөз соңында билікке айтылған талаптары бар резолюцияны оқып, шеруге келген ақсақалдардың бірі батасын берді.

Естеріңізге сала кетсек, елорда уақытымен 11:00-де басталған бейбіт шеруде қозғалған алғашқы мәселелердің бірі - АЭС болды.

Сондай-ақ, митингке қатысушылар тіл мен жер мәселесін де қозғады. Бейбіт шеруге келген көп балалы ана да өз кезегінде билікке талаптарын айтты.