Төсекбаев алматылықтарды перзентханадағы алым-салық туралы хабарлауға шақырды

Алматы денсаулық сақтау басқармасының жетекшісі Қанат Төсекбаев өз Facebook парақшасында жұртты перзентханадағы ақшалай алым-салық туралы хабарлауға шақырды деп жазады KAZ.NUR.KZ.

Төсекбаевтың айтуынша, қала тұрғыны Марина Раевская қалалық №4 перзентханадағы ақшалай алым-салық туралы хабарлаған.

"500 доллар сұрайды. Бермесең, далада босанғандай боласың. Заттары да сүйкімсіз, балағаттайды. Ал акушерлер сыйлықты гүлдермен, тәттімен немесе алкогольмен емес, тек ақшалай сұрайды", - деп жазған Марина.

Төсекбаев бұл жағдайға назар аударып, қала тұрғынына хабарласқан. Ол оқиғаның мән-жайын анықтау үшін Маринамен кездесуді жоспарлапты.

Денсаулық сақтау басқармасы алматылық келіншектің айтқаны рас болса, басшылық пен барлық қатысы бар қызметкерлер үшін қатаң шаралар қолданылатынын мәлімдеді.

"Құрметті қала тұрғындары, егер сіздер қалалық медициналық мекемелерде қарақшылық пен парақорлық фактісіне тап болсаңыз, tossekbayew_kana@mail.ru электрондық пошта арқылы немесе маған мессенджер арқылы дереу хабарлауды сұраймын", - деді ол.

Төсекбаевқа БҚО денсаулық сақтау басқармасы басшысы Нұрданат Беркінғали да қосылды. Ол тұрғындардан алым-салық жөніндегі ақпаратты өз nurdoc1977@gmail.com поштасына жіберуді сұрады.