"Жүк көлігі қаққан": Сарыағаш әкімдігі балқыған бағдаршамға қатысты пікір білдірді
Опубликовано:
Сарыағаш әкімдігі күннің ыстығынан балқып кетті деп болжанған бағдаршамға қатысты пікір білдірді деп хабарлайды KAZ.NUR.KZ.
![Фото: otyrar.kz Фото: otyrar.kz](https://cdn.nur.kz/images/1120/3f255402fd1b2e4d.jpeg)
Олар бағдаршам ми қайнатар ыстықтан бүлінбегенін, оны жүк көлігі қағып кеткенін айтқан.
"Сарыағашта күннің ыстығынан бағдаршам балқып кетті деген мақалаға қатысты айтарымыз: 17.07.2019 жылы сағат 10:30-да республикалық маңызы бар А-15 "Шымкент-Жетісай" мен Қазыбек би көшелері қиылысында үлкен жүк көлігі бағдаршамды қағып кеткен.
Оқиға орнына жол-патрульдік полиция өкілдері келіп, бағдаршамды жөндеу қаражатына қатысты хаттама толтырып кетті.
Қазіргі таңда "Сарыағаш-Тазалық" МКК бағдаршамды жөндеу жұмыстарын жүргізіп жатыр", - деп түсіндірді әкімдік.
Қуантарлығы, бағдаршам аз уақыттан соң қайта қалпына келтіріледі екен.
Айта кетейік, бұған дейін аудан тұрғыны бүлінген бағдаршамды ыстықтан балқып кеткенін айтып, оны видеоға түсірген еді.
Мақаланың түпнұсқасы: https://kaz.nur.kz/society/1806008-zk-kligi-kakkan-saryagas-kimdigi-balkygan-bagdarsamga-katysty-pikir-bildirdi/