Головкин ресейлік боксшының өліміне қатысты пікір білдірді (видео)

Жартылай орта салмақтағы бұрынғы әлем чемпионы Генадий Головкин ресейлік боксшысы Максим Дадашевтің өліміне қатысты пікір білдірді деп хабарлайды Vesti.kz-ке сілтеме жасаған KAZ.NUR.KZ.

Бұл туралы қазақстандық боксшы TMZ-ге берген сұхбатында айтты.

"Бұл барлығымыз үшін күтпеген жаңалық болды. Бұның бәрі бокс үшін сұмдық жағдай. Мен бұл жігітті барлығы секілді қолдадым. Оны көбісі білетін...

Оның ата-анасының қандай жағдайда екенін елестетудің өзі қиын. Алдағы уақытта осындай жайттар болмас үшін бокста бірнәрсені өзгертуге бола ма? Бұл мүмкін емес. Иә, оны қайтара алмаймыз... Бұл өмір. Менің сөзім жоқ", - деді Головкин.

Еске сала кетсек, Максим Дадашев 19 шілде күні АҚШ-та пуэрторикалық Субриэль Матиаспен кездесу өткізді.

Бірінші жартылай орта салмақта өнер көрсететін спортшы кездесуді 11-ші раундта тоқтатуға мәжбүр болған.

Жекпе-жектен кейін Дадашевтің жағдайы нашарлай түскендіктен, спортшыны тез арада ауруханаға жеткізілген.

Боксшыға екі сағат бойы ота жасалған. Алайда ол ауруханада көз жұмды.

Спортшының жұбайы желіде марқұм күйеуіне арнап, жазба қалдырған.