Сағынтаев алматылықтармен бірге Көк Жайлаудағы қоқысты жинады (фото)

Кеше оңтүстік астананың тұрғындары Іле Алатауы мемлекеттік ұлттық табиғи паркінің аумағындағы шатқалға Көк-Жайлау қоқыстарын тазарту үшін шықты. 1500-ге жуық алматылық алты тонна тұрмыс қалдықтарын жинады деп хабарлайды KAZ.NUR.KZ.

Ауқымды сенбілікке алматылықтарды қала әкімі Бақытжан Сағынтаев шақырды.

Таңертеңнен бастап оңтүстік астананың тұрғындары Тұңғыш Президент саябағының маңында жиналып, Көк Жайлау аумағына барды.

Айта кету керек, көптеген қала тұрғындары үшін бұл үстіртке алғашқы көтерілу болды.

Қала тұрғындары ұзындығы бес километрден жоғары қашықтықты 1,5-2 сағат ішінде бағындырды. Мәреде оларды азық-түлік пен сусындар күтіп тұрды, ал демалғаннан кейін алматылықтар тұрмыстық қалдықтарды жинай бастады.

Оңтүстік астананың тұрғындары шамамен алты тонна қоқыс жинады. Жалпы қалалық акцияға бір жарым мыңнан астам адам қатысты.

Олардың арасында Алматы әкімі Бақытжан Сағынтаев та болды. Қала басшысы қоқысты жеке өзі жинап, қала тұрғындарымен қатар араласты.

Жалпы, өзен жағасында және Көк Жайлау үстіртінің алты аймағында 2 мыңнан астам қоқыс салынған қаптар жиналды.