Аружан Саин өз атын жамылып ақша жинайтын алаяқтар бар екенін айтты
Опубликовано:
Аружан Саин белгісіз біреуділердің өздерін қордың еріктілері ретінде таныстырып, балалар еміне қаражат жинап жүргенін хабарлады. Шын мәнінде, балалар омбудсменінің айтуынша, Аружан Саиннің қоры қолма-қол ақшамен жұмыс істемейді және барлық қаржы жинағы тек банктік есепшот арқылы жүзеге асырылады деп хабарлайды KAZ.NUR.KZ.
Қорға өздерін еріктілер деп таныстырып, "Аружан Саин қайырымдылық қорының" куәлігімен кеңселерді аралап жүрген адамдар туралы ақпараттың келіп түскенін балалар омбудсмені Facebook парақшасында хабарлады.
Саин сондай жалған еріктілердің бірі - балалар еміне қолма-қол ақша жинаған Александр Хван екенін жазды.
Аружан Саин мұндай адамдардың қайырымдылық қорларына деген сенімсіздікті тудыртатынын атап өтті.
Ол жалған еріктілерге ұрынып қалған адамдардан суреттерді seiit.zhandos@gmail.com поштасына немесе 8776 555 47 71 нөміріндегі WhatsApp-қа жіберуін сұрайды.
Мақаланың түпнұсқасы: https://kaz.nur.kz/society/1807921-aruzan-sain-z-atyn-zamylyp-aksa-zinajtyn-alaaktar-bar-ekenin-ajtty/
